انا بكتب قصص من وحي خيالي .كل قصه ليها موضوع مختلف وحقيقه مختلفه ونوع مختلف هنا بيقرأ المدونه بيحس نفسه جوا القصه اول حاجة بحافظ عليها في اي قصة متبقاش مجرد قصة انا بتكلم عن حاجة هادفة مش تافهة ممكن اوصلها بالحب او بالرعب او بالخيال المهم المضمون ايه
ad
الموقع حصري
recent
غير مُصنف وصلت لسن ال ٣٠ و ماتجوزتش فهي على قدر كافي من الوعي
وصلت لسن ال ٣٠ و ماتجوزتش فهي على قدر كافي من الوعي
طيب خلينا نكون متفقين إن أي واحدة بنت ناس و ناجحة و مستقلة مادياً و معنوياً و علي قدر من الجمال
… و وصلت لسن ال ٣٠ و ماتجوزتش فهي على قدر كافي من الوعي و الإرادة إنها تتجاهل مجتمع بيطاردها بشبح العنوسة تقريباً كل يوم، و خلينا نتفق إن أي واحدة سافرت إشتغلت في بلد غريبة لوحدها و سابت أهلها و أصحابها و قرايبها و نص هدومها و أوضتها وال comfort zone اللي بيتمثل في البقال و الميكانيكي و المواصلات و الدكتور و محلات اللبس و أي حاجة ممكن تحتاجها في حياة كاملة كل يوم لوحدها، إنها على قدر كبير جداً من الجرأة و القوة إنها تاخد قرارات حياتها….
و بالتالي من الغباء إن حضرتك كراجل يكون محاولاتك معاها إنك تفرض سيطرة أو تقولها تعمل إيه و ماتعملش إيه عشان تبهرها برجولتك و حمشنتك، أو مثلاً يكون عرضك متمثل في إنك الحماية أو الضهر….. لأن صدقني هي من كتر ما حمت نفسها من أشكال ضالة، و من كتر ماشالت مسئولية …. الحاجات دي خرجت تماماً من دايرة طموحها كأنثى ( أيوه هي بعد كل ده أنثي و جداً كمان، ولا مسترجلة ولا متسلطة ولا شاذة ولا متعقدة، ….فاضل حاجة ولا كده قلناهم كلهم؟).
الخلاصة لو عايز تدخل حياتها .. كل المطلوب منك إنك تحاول تكون company لطيفة في سكتها الصعبة، شفت سهله إزاي؟،…سكتها اللي هي رسمتها خلاص مش مستنياك تقول رأيك أو تنتقدها كل خمس ثواني، …حاول ماتكونش عبء وحمل عليها، حاول ماتعطلهاش و ماتستهلكهاش، حاول تقبلها،…هي مش عايزة منك غير الونس في السكة بس، هي مش مستنية منك حاجة خالص…. تخيل؟ …خالص.
و إوعى تراهن على قدرتها على الإستغناء… حتى لو بتحبك، دي واحدة إستغنت كتير أوى، فارقت حاجات و ناس كانوا أغلي حاجة في حياتها…. لأ، كانوا كل حياتها، الإستغناء لعبتها صدقني…..
لو مش هتعرف تشيل معاها القُفّة أم ودنين، هي شايلاها لوحدها و ماعندهاش مشكلة، بس هيكون عندها مشكلة لو حد عكَّر عليها صفاء حياتها و إخترق سلامها النفسي.
ليست هناك تعليقات:
إرسال تعليق