الله غيور على حب عباده له
ماما مشوفتيش فين مادليه المفاتيح بتاعتى؟
امى: لا والله يابنى بص شوفها كده فى الهدوم اللى اخدتها من الاوضه عشان اغسلها هتلاقيها ف الحمام
حمام؟ حمام ايه ياماما انتى بتهزرى ياستى قولتلك مليون مره انا اللى عارف فين الهدوم الوسخه من الضيفه
ياماما بعد اذنك متعمليش كده تانى ؟.
ولااااا؟؟ بقولك ايه انت كمان مش عاجبك انى بغسلك هدومك ,
أنا اسف ياماما حقك عليا ..دخلت الحمام طلعت هدومى من الغسيل وفضلت ادور ع المادليه وبعد ما لقيتها فى جيب البنطلون دخلت الاوضه فتحت دورج المكتب بالمفتاح و طلعت دفتر مذكراتى روحت عملتلى قهوة
و قفلت عل نفسى الباب من جوه..,فتحت الدفتراللى ديما بكتب فيه كل حاجه عنى حلوة او وحشه بكتب فيه كل ذكرياتى المحرجه و المضحكه و الكئيبه
مسكت القلم من اول السطر و كتبت
أنا قلب من ضمن قلوب كتير بيضور على الحب اللى يستمر لأخر الطريق بضور على قلب يحسنى و يحس بكل حاجه فيا بدور على قلب وسط قلوب كتير
"بيقولو إن اللى مبيدورش على الحاجه بيلاقيها ولو دور عليها عمره ما هيلاقيها بس انا مش مقتنع لإن لازم ادور على القلب اللى نفسى اعيش معاه... صحيح أنا فيا كتير حاجات وحشه زى عصبيتى و ساعات لسانى بيطول لكن عارف نفسى طيب و حنين بس الطيبه و الحنيه مبيطلعوش لاى حدأنا عارف نفسى كويس
فى عز خنقتى لما بقول عاوز اقعد لوحدى بكون فى الوقت ده بذات محتاج ناس معينه لان عارف وجودهم هينسينى اللى مزعلنى صحيح ناس كتير بتشوفى مغرور وساعات غامض لكن عمر ما حد فيهم فكر يشوفنى من جوه هيلاقى العكس
لإن الكل حكم عليا من برا مش من جوه مفكرش يقرب
مبكرهش فى حياتى قد الناس اللى بتحاول تفرض عليا حاجه و تأمرنى بتنفيذها مبكرهش قد الأوامر مبكرهش قد الشخص اللى عاوزنى أكون عبد لأوامره
بحلم إن اعيش قصه زى القصص اللى بنسمع عنها بحلم اعيش قصه مع واحده تشاركنى كل حاجه واحده مجنونه تستحمل جنانى وحده بتحس بيا من غير ماتكلم
بحلم اعيش فى كوكب غير الكوكب نفسى اعيش من غير زعل و من غير اكتئاب نفسى حياتى كلها ضحك مشيلش هم بكره ولا هم الفراق ولا هم الناس...
عاوز لما احب اتجوز اللى بحبها من غير اى مشكله عاوز اصحى من النوم مبسوط مفيش حاجه تضايقنى عاوز انام مرتاح و عارف إن اللى بحبه هيكون ليا "
ندهت عليا بتقولى مش هتتغدى؟ والله لو شيلت الاكل منا حاطه اكل تانى , قولتلها حاضر جاى اهو قفلت الدفتر وحطيه ف الدورج وقفلت عليه..بناكل قالتلى اعمل حسابك عيد ميلاد بنت خالتك النهارده يعنى تروح تجيبلها هديه قولتلها حاضر هتغدى و ساعه كده وهنزل اشترى هديتها..بعد ما كلت دخلت الاوضه كملت كتابه فى دفترى وكتبت
, بنت خالتى اللى كانت امى عاوزانى اخطبها و فعلا
روحت عشان اخطبها من خالتى يوم ما روحت اخطبها امى كانت مبسوطه وخالتى نفس الاحساس, فى نظرهم إن الاتنين لبعض و فلوس العيلتين مش هيروحو لحد غريب يعنى بختصار منهم فيهم...بنت خالتى جميله جدا مميزات البنت الممتازة فى كل شئ إلا شئ صغير إنها ديما بتحب تكون هى المسيطره على اى حاجه حواليهاالزعيمه من الاخر
فقولت ممكن لما اخطبها مع الايام تتغيرلكن كانت فى مشكله أنا وهى ديما كنا عكس بعض بنشد مع بعض فى الكلام وفى لحظه هخطبها , ازاى معرفش صحيح كلنا بدور على الحب اللى بجد بس ساعات بنسيب الفرصه للى حوالينا يختارولنا بعد ما فشلنا فى كل العلاقات اللى مرينا بيها فى حياتنا.
.
ازاى بعد ما بنت خالتى كانت تعتبر اختى عاوزينا نبقى متجوزين؟
الفكره بالسنبالى انا سهله لكن بالنسبه ليها معرفش هل هى هتتقبل ده ولا لاء؟ واحنا قاعدين انا وامى وخالتى وهى لقيتهم غمزو لبعضوقالو تعالى اما اوريكى جيبت ايه من السوق جبت شويا قماش تفصيل
تحفه تعالى نقوم اوريهولك
بصيت لخالتى و قولتلها مش لازم يعنى تغمزو لبعض وتعملو الحركتين البلدى دى كان ممكن تقولو احنا هنقوم نسيبكم
تتكلموا مع بعض شويا وخلاص اتكسفو بس عادى وسابونا نقعد مع بعض
بنت خالتى قاعده قدامى و ساكته .. قربت منها وقولتلها انا قربت منك عشان محدش
يسمع الكلام اللى هنقوله
أنا هتكلم معاكى كلمتين وهسيبك تفكرى و هستنى ردك بعدها ومن خلال ردك لكل كلامىهفهم احنا ممكن نكمل ولا لاء اتفقنا؟ قالت ماشى .. اتفقنا
أولا سيبك من الاتنين اللى قاعدين برا دول احنا طول عمرنا
كنا بنتعامل على اننا اخوات هزار وضحك
و خربشه من ضوافرك بس دلوقتى خلاص...الوضع اتغير ولازم نتكلم بجد كـ عقول
كبيره بتفهم السؤال اللى هسأله دلوقتى اوعدك إن محدش هيعرف عنه حاجه بس تجاوبينى بجد من قلبك و متخافيش
بتحبى حد او فى قلبك حد؟ استنى قبل ما تردى عليا عاوزك تعرفى إن لو بتحبى حد معين انا اول واحد هيساعدك انك توصلى للشخص ده بجد... ولو لاء هحاول معاكى مره و اتنين عشان تحبينى و لو فشلت انا اللى هقول كل شئ قسمه ونصيب
او هطلع انا اللى وحش عشان ده جواز و سنين .. مش لعب....
ببص فى عيونها لقيتها بتدمع قربت منها ومسكت اديها قولتلها بتعيطى ليه ؟
هو انتى بتحبيه اوى كده؟ ضغطت على اديها باديى وقولتلها .. متخافيش متخافيش محدش هيعرف حاجه و انا ياسيدى هساعدك انك توصله بأى شكل خلاص بقى امسحى دموعك دى متعيطيش وانسى كل اللى حصلو اللى اتقال بينا... اعتبرى إن كل اللى اتفقوا عليه او اللى بيتفقوا عليه برا ده مش هيحصل , بصت ليا زى ما يكون بتقولى متقولش لحد حاجه عشان اهلى .. خليه سر قولتلها تصدقى انا اول مره اقرى كلام العيونو قولتلها بكل طيبه متخافيش محدش هيعرف حاجه و انا هقف جنبك لحد ما تتجوزى
اللى قلبك اختاره وبعدها قعدت تحكيلى عن كل حاجه بينهم
وبعد ما خلصت كلام قولتلها ممكن اقابله؟ قالتلى بجد؟ قولتلها اه بجد اعتبرينى ابوكى اللى هيخطبك منى..وبعد ما خلصنا كلام
وماشى انا وامى قولتلها انا مش مرتاح ياماما للجواز ده خلينا كده احسن عشان جواز القرايب وحش بس
امى فضلت تقنع فيا و تزن قولتلها ماما بقولك ايه انا مش هخطبها اتفقنا؟
من الاخر انا وافقتك بس بصراحه انا بحب واحده تانيه بس اول ما أمى سمعت كده رقعت بالصوووووت
إنت عاوز تفضحنا إنت عاوز الناس تتكلم علينا؟
قولتلها فى ايه ياماما هو انا بنت و شرفى راح؟ فى ايه مش هتجوزها وكلمت بابا و بابا وقف جنبى امى خبطت على اوضتى قالتلى الجو هيليل ياموكوس و انت لسه مروحتش جبت هديه " أمى لسه بتلعب فى دماغى
عشان احبها بس هى متعرفش حاجه" لأن
الحب عمره ما كان بالعافيه او إنك تقدر تشيل حد من جوه قلب حد و تقعد مكانه لإنه الحاجه الوحيده إللى متقدرش تتحكم فيها .. " قلب غيركمتقدرش تخلى حد يتقبلك او يحبك بالعافيه كل حاجه
بتيجى لوحدها من غير اى تدخل كل شئ بيبقى محسوب و اللى ربنا عاوزه هو اللى بيحصل معاك.
روحت جبت هديه عيد ميلادها بس امى طبعا اتصلت بيا و قالتلى تعالى عشان تلبس لبس حلو عشان تشرف بنت خالتك قدام اصحابها يا واكسينى قدام اختى.رجعت ع البيت و عارف إنه مش حوار اشرف بنت خالتى كل اللى فى دمغها إنها لسه عايشه على أمل أن ممكن احبها .. دماغ الامهات مش سهله بس مفهومه
روحت عيد ميلادها واديتلها الهديه وبتكلم معاها قالتلى انا اتفقت معاه على معاد و
هو موافق قولتلها كويس امتى؟ قالت بعد بكرا لو مفيش مانع
قولتلها خلاص اتفقنا و روحت ع المعاد و المكان قعدت ف مطعم مستنيه
بس هو اتاخر فقولت اجيب حاجه اشربها روحت جبت
بيبسى وانا راجع ع الطربيزهواحده كبيره خبطت فيا البيبسى ادلق ع القميص زعقت قولتلها ايه مش تخلى بالك ياست انتى؟ والمشكله إن الست بتزعق وتقولى ايه اللى حصل
وتقولى بكل بجاحه و قله ادب مش قصدى انت مجنون؟
لقيت واحده تانيه جات و بتقولى ما خلاص هى قالت مش قصدها متكترش فى الكلام بقى وارجع مكانك يعنى؟؟خلى عندك ذوقك و كفايا اهانه فيها دى ست قد امك وفى اللحظه اللى هى بتتكلم فيها لقتنى مش سامع صوت حد
فضلت ابصلها وبس ابص لملامح وشها ...
واقفه بتتكلم .. واقفه بتحرك فى شفايفها وبس كل اللى سامعهبيبسى وانا راجع ع الطربيزهواحده كبيره خبطت فيا البيبسى ادلق ع القميص زعقت قولتلها ايه مش تخلى بالك ياست انتى؟ والمشكله إن الست بتزعق وتقولى ايه اللى حصل
وتقولى بكل بجاحه و قله ادب مش قصدى انت مجنون؟
لقيت واحده تانيه جات و بتقولى ما خلاص هى قالت مش قصدها متكترش فى الكلام بقى وارجع مكانك يعنى؟؟خلى عندك ذوقك و كفايا اهانه فيها دى ست قد امك وفى اللحظه اللى هى بتتكلم فيها لقتنى مش سامع صوت حد
فضلت ابصلها وبس ابص لملامح وشها ...
صوت دقات قلبى سامع صوته دقاته بتزيد زى ما يكون مبقتش سامع غير دقاته فى صدرى
وفى لحظه الصوت رجع تانى و فوقت بتقولى انت متنح كده ليه ؟ إنت عبيط يابنى؟ واقف ببص لحركات وشها واديها وكل حاجه فيها قالتلى انت شكلك اهبل
مسكتها بايدى من دراعها و واقف متنح زى ما يكون ايدى لزقت فى دراعها وهى عماله تشد فى دراعها و بعدها
الناس اتلمت علينا ف المطعم وسيبتها.
رجعت ع الطربيزة والاخ اللى بتحبه بنت خالتى جه وفضل قاعد يتكلم و انا عينى عليها وهى على طربيزتها هى واخده بالها بس قرفانه منى ومن الموقف....أحساس إنك تتخطف من اول مره ميحسوش الا اللى جربه ميحسوش الا اللى داقه بعيونه .. تفضل عيونك و رايحه جايه ع الشخص ده مش عاوز تشوف غيره
قولت للى بتحبه بنت خالتى خلاص خلاص انا هتصرف اتشرفت بيك و بعدها وزعته و روحت ليها
قولتلها انا مش عاوز حاجه انا جاى اعتزر ممكن؟؟ ليا بنظره فيها كره وقرف وبتقولى مقبول اعتذارك قولتلها لاء انا مش حاسس إنك قبلاه ممكن اقعد معاكى بس اقولك بعتذر ليه بعد ازنك؟؟
شديت الكرسى وقعدت وفضلت مبحلق فيها
و هى عماله تلعب فى موبيلها كل شويا تبصلى و تستغرب و تكمل لعب فى موبيلها .. و انا اهبل , متنح , مبلم
قولتلها أنا أسمى وإنتى؟
قالتلى انت جاى تعتزر ولا جاى تتعرف؟ قولتلها انا مش عارف انا جاى هنا ليه اصلا ..
قالتلى انت مالك مبحلق فيا كده؟؟
قولتلها انتى بتدرسى؟ قالتلى لاء وعشان الخص انا صاحبه المطعم ده قولتلها كويس بعدها مشيت وفرحت جدا عشان خلاص عرفت بتقعد فين وهلاقيها فين لبيت مزهول مش عارف مالى حطيت راسى ع المخده و عمال افتكر فى صوتها و افتكر كل اللى حصلى
فتحت الدفتر و كتبت كلام كتير جوايا
.. إن الحب كـ الحرب فى منتصف المعركه يأتيك سهم فى قلبك لا تعلم من اين أتى فينهى حياتك هكذا هى النظره الاولى تنهى حياتك ليبدأ عشق ...عندما تجد من تحب تدرك إن الحياه بدأت من هنا ..من منتصف الطريق تدرك أن هذا الشخص هو الذى تبحث عنه تدرك أن الحياه ليس لها معنى من دونه
الحب كـ قابض الارواح يأتى و أنت لا تعلم متى و اين ستموت يأتى ليأخذ روحك لتفارق الحياه ,تفارق الحياه لتبدأ معه هو حياه جديده هذا هو الحب قفلت الدفتر عشان انام وحاسس إن انا بردان وحران مش عارف مالى نمت و قلبى عمال تزيد دقاته مبقتش عارف انام منه .. قومت قعد ع السرير
حطيت ايدى ع صدرى و حاسس بضرباته السريعه بعدها فضلت افكر فيها وانا ع السرير لحد ما روحت فى النوم صحيت من النوم روحت شغلى وبعد ما خلصت روحت اتغدى فى نفس المطعم فضلت قاعد ع الطربيزة مستنيها تيجى روحت سألت واحد من الشغالين فيه قولتله صاحبه المطعم إللى هنا بتيجى امتى؟؟
قالى معرفش طلعت 20 جنيه قالى بظبط نص ساعه
وجايه قولتله شكراً بفتح المينيوه ببص لأسعار الاكل لقيتها خياليه و غاليه جدا فطلبت حاجه بسيطه
و استنيتها كنت باكل بكل بطئ و على مهلى عشان الوقت لحد ما شوفتها دخلت و رواحت قعدت فى نفس الطربيزة
عرفت إن الطربيزة دى بتعتها هى ممنوع اى حد يقعد عليها غيرها خلصت اكل و روحت ليها وهى بتشرب النسكافيه
قولتلها ازيك؟ قالتلى انت تانى؟ قولتلها ازيك؟ قالت تمام و إنت؟
قولتلها كويس عندك استعداد نبقى اصحاب؟
قالتلى مبصاحبش قولتلها لاء اصحاب اصدقاء ؟ قالت لاء برده قولتلها طيب انتى عندك استعداد لأيه؟
قالتلى مش فاهمه؟ قولتلها اسف خلاص و روحت حاسبت ومشيت و بقيت كل يوم بتغدى فى المطعم صرفت كل مرتبى علي المطعم عشان بس .. اشوفها
وبعدها بـ عشر ايام ملقتهاش جات المطعم , فضلت مستنيها و تانى يوم نفس الشئ مجاتش سألت اللى شغالين هناك قالو هى تعبانه شويا فى المستشفى...سألت واحد على عنوان المستشفى مرضاش يقولى طلعت 50 جنيه قالى المستفشى كذا كذا قولتله شكراً .. روحت المستشفى وفضلت اسأل عليها هناك ولقيتها بخبط ع الباب و دخلت لما شافتنى اتفاجأت
و استغربت إن ازاى انا هنا ؟ كان فى واحده قاعده معاها سابتنا لوحدنا وقعدت اتكلم معاها و عن صحتها ...عرفت إن عندها مرض لازم كل فتره تغير دمها او تجدده و بعد ما خلصت كلام معاها قولتلها استأذنك و مشيت رجعت البيت
فتحت الدفتر و كتبت كالعاده
كلمه بحبك بقيت بكرها ,كرهتها بجد مش لاقى
كلمه توصف اللى جوايا بحاول ادور على كلمه تانيه اقولها مش لاقى أنا عاوز كلمه غير دى توصف أحساسى...
مش عارف أنا مالى و لا ايه اللى بيحصلى من ساعه ما شوفتك من وقتها و أنا مزهول من نفسى لأول مره أحس بالاحساس مش عارف اوصفه بشويا بكلام...حد يقولى على كلمه واحده بس توصف اللى جوايا مش عارف اوصف احساسى بأى حاجه كل ما بشوفك بسكت قلبى عاوز يتكلم و شفايفى ساكته
...
صوتى بيروح منى ,عقلى أتبخر , قلبى بيتكلم , دمى جوه عروقى سُخن حاسس بحرارته , عنيا بتدمع من غير بكى لا أنا حزين ولا أنا فرحان قفلت الدفتر و نمت صحيت مروحتش الشغل و روحت على المستشفى عرفت من الدكتور إن عشان يطلعو ليها دم لازم يكون فى اكياس دم بديله لدم ده
قولتله هتبرع قالى بس إنت هتتبرع بكيس واحد؟ قولتله خد منى 3 قالى مينفعش قولتله هينفع خد وكتبت اقرار إن انا المسؤل
عن التبرع ده و بمزاجى
فضلو يسحبو منى دم وبعد ما خلصو جيت اقف وقعت من طولى و نمت فى الغرفه اللى جنبها وبعد ما ادولها الدم المطلوب , سألت مين اللى اتبرع بكل ده فتحت غرفتى لاقتنى انا اللى نايم ع السرير طول ما بتشوفنى عماله تتصدم من افعالى و تصرفاتى اللى بعملها بعدها بصيت ليا و عنيها دمعت لوحدها
بصيت لعيونها زى ما يكون عاوز امسح دموعها بشفايفى مش بأيدى عاوز اشرب دموعها اللى بتنزل من عنيها عاوز ادخل جواها و اسكنها و أعيش فيها.. وبعد ما بقيت كويس روحت المطعم بعدها بس المرادى
هى اللى كانت مستنيانى انا , روحت قعدت معاها و فضلت ابصلها و ساكت وبعد سكوتى قولت أنا مش عارف اقول ايه مش عارف اوصف اللى جوايا ده ليكى بأيه حاسس إن انا اعرفك حاسس إن انتى منى أنا , أنا مهما قولت هفضل اقول مش عارف
لو قولتلك إنى بحبك ابقى اكبر كداب و متصدقيش أنا إللى جوايا
ليكى أكبر من الكلمه دى ازاى كلمه من اربع حروف توصف كل اللى جوايا ليكى ! أنا امى ولدتنى يوم ما شوفتك كل إللى عدى
من عمرى قبل ما أشوفك مكنتش عايش انا مستعد اديكى كل الدم اللى جوايا مستعد اعمل كل حاجه عشانك...أنا مسحور بيكى أنا لما شوفتك مكنتش سامع اى صوت حواليا مش عارف ليه أنا بحبك كده؟ الكلمه دى دايقتنى اوى بس مش لاقى غيرها عشان اقولها
هاتى ايدك و حطيها ع قلبى يمكن تحسى باللى جوايا انتى ازاى مكانك ع الارض إنتى المفروض تكونى عايشه فى الجنه مع الحوريات
اللى زيك ربنا ادالك جمال الدنيا فى عنيكى و فى حركتك و فى طريقه كلامك حتى فى نفسك الهادى لما بتكونى نايمه "اول مره اشوف حد كامل من كل حاجه" وبعد ما أنا سكت فضلت ساكته هى كمان لحد ما قالتلى أنت كتير عليا قولتلها كتير؟
أنا .. أنا ولا حاجه من غير وجودك انا مش عاوز حاجه غيرك
مش عاوز حاجه غير إنك تخلينى احبك حتى لو مش بتحبينى
أنا ربنا قالى أحبك و انا بنفذ اللى ربنا طلبه منى و حبيتك ده مش بأيدى أنا صدقينى..
وعدت الايام وخليتها تحبنى بس جه عليها يوم بتقولى
انا مضايقه جدا من حاجه جوايا مش عارفه ايه اللى بيحصل انا عاوزه اقولك على حاجه كل بنت بتتمنى تلاقى الشخص اللى بيحبها ويحسسها بكل حاجه فيها وديما يخليها متأكده إن قلبه معاها
مش مع غيرها ومفيش بنت تقدر تقول غير كده ! بس إنت حبك ليا عدى كل ده ..
أنا مش متاكده اصلا لحد دلوقتى انك بتحبنى وبتضحك عليا بسبب كل اللى بتعمله ده عقلى هطير منى بأهتمامك الزايد
إنت متاكد إنك بتحبنى اصل كل اللى بشوفه دلوقتى اى شاب بيحب يتسلى وخلاص و اى بنت تقعد معاه فتره و يشوف غيرها و يقضيها كده و خلاص أنا اللى مضايقنى إنى مش عارفه احبك
زى ما انت بتحبنى إنت كتير عليا أنا هتجنن كل ما بحطك فى مقارنه بين أى حد بتطلع إنت الكسبان ديما
قالتلى طيب اقنعنى إنك بتحبنى ؟
قولتلها معرفش اقنعك ازاى بس اللى اعرفه إن كل يوم بفكر فيكى صحيح فلوسى خلصت بسبب أكلكم الغالى فى المطعم وخلاص شويا و هشحت بس مش فارق صحيح عمال اخد فى ادويه من ساعه ما اتبرعت ليكى بالدم و اشرب عصاير بس برده بالنسبالى عادى
و كل اللى عملته عشانك و إنتى شايفهمن جواكى إنه كتير فهو مش كتير دى اقل حاجه
ممكن اقدمها ليكى اقل حاجه ممكن اعبرلك بيها عن نفسى
بصت ليا وسكتت ببتسامه وبعدها قولنا نخرج نتمشى وانا ماشى جنبها سايب بينا مسافه
عشان متقولش ده عاوز حاجه منى او يقل ادبه عليا
بس لقيتها هى اللى قربت منى ومسكت ايدى وقتها قربت انا كمان بس اول ما لمست ايدى خدت نفس طويل طلعت من جوايا الشوق المكبوت...قالتلى مالك؟قولتلها مش عارف قالتلى هتفضل تحبنى؟
قولتلها مين اللى هيفضل ؟ انا مكنتش مصدق اصلا إن هيجى يوم زى ده المس فيه ايدك دى
قالتلى يلا احكيلى عن نفسك أكتر؟
قولتلها أنا مواليد الشهرين اللى فاتو يوم ماشوفتك حياتى من هنا ابتدت اى حاجه فاتت زمان معرفش عنها
حاجه لقيتها دخلت ايدها من بين دراعى وجسمى وحطت راسها ع كتفى واحنا ماشيين قربت راسى من راسها عشان اشم ريحه شعرها الذكيه و الغريبه شميت ريحه شعرها من غير ما تاخد بالها ورفعت راسى
للسما و اتمنيت حاجات كتير جوايا و كل الحاجات دى كانت هى كانت كل حاجه بتمناها ..
.تانى يوم روحت المطعم وشايل هديه فى ايدى قالتلى بجد هديه؟ تعرف إن محدش جابلى هديه من زمان قولتلها عشان يجيى اليوم ده وانا اللى اجيبها فتحت الهديه ولاقت مرايه و علبه مكياج كبيره قالتلى
ايه ده انا بجد كنت لسه ناويه اجيب مكياج جديد أنا حاسه إنك بتفكر نفس تفكيرى بجد وفى يوم واحنا قاعدين مع بعض قولتلها تعالى
واخدتها ع مكتبها فوق وقعدتها قدام المرايه و خليتها تمنع اى حد يدخلها قالتلى مالك مش مطمنه؟
جبيت مناديل و علبه المكياج اللى فى شنطتها و مسحت كل المكياج اللى على وشها و خليتها تغسل وشها بالمايه الدافيه اكنها لسه صاحيه من النوم مسكت شعرها بأيدى و ربطه بالتوكه وبعدها جيبت قلم الكحل و روسمتلها عيونها و جيبت روج هو مكنش روج دى كانت زبده عاديه لشفايف بس كدبت عليها و حطيته ليها على شفايفها ع انها
روج وبعدها قولتلها ها ايه رايك؟ شوفى كده احلى بكتير من الروج و الالوان الكتير اللى كنتى بتحطيها صح ؟ بصت ليا وقالت تصدق كده احلى بجد انت ايه رايك؟ قولتلها ايوة احلى بكتير و اشيك كمان
و بعدين عاوز اقولك على حاجه مهمه اوى تحطيها ف دماغك ربنا لما خلقك , خلقك فى احسن صورة لما تيجى إنتى
و تبوظى شكلك بشويا الوان ملهاش لازمه تبقى خسرتى كتير خسرتى جمالك المميز و الطبيعى
ربنا لو كان شايف إنك هتبقى احلى بالاخضر والاحمر و البينك
اللى حطاه فى وشك كان خلقك بيهم لكن هو خلقك كده عشان إنتى احلى كده عامل بظبط زى العصير الطبيعى و عصير البودره لما تشربى عصير مانجه طبيعى اكيد مش زى ما تشربى عصير مانجه بودره صح !
قالتلى عارف أنا حاسه إن قلبى هيوقف من حبك ليا حاسه إن ممكن اموت بسببك قولتلها تموتى ازاى يعنى؟
قالتلى اموت كده اهو , قولتلها بتهزرى؟ موت ايه اللى بتكلمينى عنه ده وبعدين اه كلنا هنموت بس متكلميش عنه وبعدها بفتره لقيتها بتتصل بيا ومنهاره من العياط و بتقولى تعاله دلوقتى قومت لبست هدومى وجريت ع المطعم
طلعت المكتب بفتح الباب لقيتها عماله تعيط جريت عليها و قولتلها مالك عرفت إن صحبتها
توفت اقرب حد ليها فضلت اهدى فيها لكن كان وجع فراق صحبتها صعب انه يروح بشويا كلام و طبطبه لكن بعدها بفتره وانا قاعد معاها فى مكان عام لقيتها عيطت تانى بقولها مالك بس؟ قالتلى اصل شوفت البنتين
اللى هناك دول فكرونى بيها قولتلها طيب فين المرايه بتاعتك مسكت الشنطه وفتحتها وجيت اطلع المرايه
لقيت اولوزقولتلها بتشيلى اولوز فى الشنطه يا قليله الادب شدة منى الشنطه وقاللتلى انت قليل الادب قولتلها وماله كله فى ميزان حسناتى وطلعت المرايه و قولتلها بصى لشكلك دى عيون تعيط؟
دى عيون اصلا تنزل دموع؟ اوعى فى يوم من الايام مهما حصل تنزلى دمعه من عيونك دى فاهمه؟
أصلك متعرفيش الماس الجرام فيه بكام؟
ودموعك أغلى منه قالتلى على فكره إنت بتأفور اوى معايا قولتلها انا بقول اللى حاسه وبس ومش فارق معايا
وبعدها بفتره تعبت اوى وراحت المستشفى عشان تغير دم زى كل مره بس المرادى كانت تعبانه جدا جريت ع المستشفى ودخلت عليها الاوضه وقلبى بيرتجف ...
قالتلى متخفش أنا كويسه بس عشان بطنى وجعانى
وكده فالتعب زاد قولتلها فاهم قصدك عندك الـ .. قالت بطل قله ادب قولتلها طيب وفرحت إنها كويسه
و فضلت قاعد جنبها وهى نايمه ع السرير وماسك اديها لحد ما راسى مالت على سريرها و روحت أنا كمان فى النوم
وبعدها صحيت على كحتها و الدكاتره عماله تجرى بسأل فى ايه قالو مفيش حاجه و ادوها حقنه و بقت احسن شويا قربت منها وهى نايمه و قولتلها قولتلها تفتكرى ربنا هيزعل لو حبيتك أكتر منه؟
ابتسمت ليا وقالت ربنا هو اللى اختارك ليا و عارف إن إنت اللى هتقدرنى و تحبنى بجد من جواك ومدت اديها ومسحت دموعى
قربت منها حطيت ايدى تحت راسها ومسكت اديها واخدتها فى حضنى و قولتلها عارفه عمرى ما تخيلت إن هحب حد كده اساسا
متخيلتش ف يوم إن ممكن احب حد اكتر من اللى خلقنى
و هى تقول ها؟ اقولها إنتى بالنسبه ليا حاجه اكبر من الكون ده كله حاجه متتوصفش قالتلى
ساعات بيجلى علينا وقت نلاقى الشخص اللى بيحبنا من قلبه بجد بس من كتر العلاقات الفاشله واللى بنشوفه بقينا بنخاف نقرب لتضيع كل حاجه جوانا محدش عارف امتى هنحب ولا امتى هنفارق عايشين وسايبين الدنيا تودى
و تجيب فينا محدش عارف فى زمنا ده اللى بنعمله صح ولا غلط من اللى بنشوفه بوستها على راسها و قولتلها انا عن نفسى عارف انا بعمل ايه دلوقتى و عارف موجود هنا ليه؟
و عاوز اقولك حاجه قبل ما احبك كنت بقول إن لما أحب مش هحب واحده عشان صدرها ولا عشان ضهرها او تقسيمة جسمها .. أنا هحب واحده لما اتعب و احط راسى على صدرها أحس بالامان معاها
لما أحب مش هبص لأى واحده صحيح بيقولو إن عيون الراجل زايغه لكن إللى بيحب أستحاله يبص على واحده تانيه عشان اللى بيحبها أصلها ماليه عنيه فى بنات عاملين زى قطعه الماس مدفونه وسط الجبال مستنيه الشخص اللى يجيى و يدور عليها
و يكتشفها و يطلعها للحياه لان حرام اللى زيها يندفن عارفه
لما بسمع مزيكا بفتكرك و لما باكل بفتكرك ولما بفكر مبفكرش غير فيكى و لما بصحى من النوم بتيجى على بالى و لما أنام برده بحلم بيكى أنا مش عارف ايه الحب اللى جوايا ليكى ده؟
أنا بقيت حاسك إله من السما بقيت بحبك اكتر من اللى خلقنى انا , أنا مش عارف بحبك كده ليه اصلا
وفى يوم واحنا قاعدين مع بعض لقيتها عماله تعطس
بقولها ايه عندك برد ولا ايه؟ قالتلى شكله جاي ع الابواب اهوو بيخبط اهوووو و بتعطس اكتر
قربت منها واحنا قاعدين فى مكتب المطعم و بوستها فشفايفها ضربتنى بالقلم ع وشى وقالتلى أنا مكنتش اتوقع إنك ممكن تعمل كده اصلا دلوقتى فهمت و انا واقف و مبتسم وساكت و هى عماله تتكلم وانا ساكت
و بعدها عطست بصت ليا وسكتت قالتلى إنت بوستنى عشان تتعدى منى؟؟؟
قولتلها لما تفرحى ببقى عاوز اكون سبب فرحتك ولما تتخنقى ببقى عاوز اكون انا سبب راحتك ولما تتعبى لازم أكون أنا اللى بشاركك تعبك أصل "أنا أنتى وقفت وحطيت وشى فى الارض قربت منى و رفعت راسى بأديها و قالتلى انا مش قولتلك إنك كتير عليا؟ قولتلها و انا قولتلك بلاش الكلمه دى بقى و بعدها بفتره روحت المطعم لقيته مقفول؟؟
اتصلت بيها موبيلها مقفول؟؟ اروحلها فين؟ افتكرت إن رقم اللى تحت منها ف المطعم معايا و اتصلت
قولتله حضرتك انا كنت جايب طلبات للمطعم ولقيته مقفول وكان لازم اوصل الطلبات دى بنفسى لصاحبه المطعم؟ عشان تحاسبنى .. قالى مش هتقدر تيجى..قولتله ليه؟ قالى هى ف المستشفى تعبانه
و الكل هناك قفلت وجريت ع المستشفى روحت لقيت كل اللى شغالين فى المطعم وناس كتير واقفين برا اوضتها
جيت ادخل منعونى قولتلهم فى ايه؟ سمعت صوت حد فيهم بيقول بكسره حزن.. بتموت ,,, ايه؟ مين اللى بتموت ردو عليا؟ مين اللى بتموت مين؟ انطقو ؟ فتحت الباب و دخلت عليها ماشى برجلى عامل زى الطفل الصغير اللى لسه لأول مره هيقوم و يمشى على رجليه فتحت البابو دخلت عليها و بقولها قالولى بره إنك بتموتى الكلام ده صح؟
انتى مبترديش عليا ليه؟ قربت منها ولقتها بتتنفس بصعوبه قولتلها خدى صدرى اتنفسى بيه خدينى و عيشى
إنتى بجد ناويه تمشى و تسبينى طب مفكرتيش فيا قبل ما تروحى؟ ها؟
مسكت اديها لقيتها بارده زى قطعه التلج فضلت ادعك فى اديها بأديا بسرعه
جسمها كله متلج فضلت ادعك فى وشها وايدها اخدتها فى حضنى عشان ادفيها اتنفسى كويس حاولى تتنفسى متستسلميش خدى نفسك كويس ...بوس اديكى خدينى و ماتموتيش بلاش تعملى فيا كده ضميتها لحضنى أكتر
وفضلت العبلها فى شعرها وبقولها قومى يلا عشان نمشى انا كرهت المكان ده قومى عشان خاطرى بلاش تموتى
وانا حاضنها حسيت بنفس طلع من بين شفايفها نفس طووووويل شيلتها من حضنى براحه و نيمتها على السرير...
بصلها وبقولها انتى موتى؟ ها؟ لاء ردى عليا متعمليش فيا كده ايه قووومى يلا قومى مش هسيبك غير ما تقومى
يلا وبشدها من اديها , بس خلاص.. حطيت راسى على صدرها
وفضلت اعيط انتى موتى لاء بتهزرى؟ قومى ردى عليا أبوس رجليكى قومى جريت وبوست رجليها عشان تقوم و تكلمنى..بس خلاص
مين اللى خدك منى؟ مين اللى موتك؟ مين اللى غيران منى عشان بحبك؟ ردى ؟ فتحت الباب وطلعت اجرى ع السلالام بكل سرعتى و بنهج فضلت اجرى
فضلت اجرى عاوز اوصل لأخر دور فى المستشفى
لحد ما وصلت لأخر دور سطح المستشفى عمال ابص حواليا تايه , بصيت للسما و قولت بصوت محروق بنار..
إنت اخدتها منى ليه؟ رجعهالى زى ما أخدتها إنت غيران عشان بحبها أكتر منك؟ رد عليا اخدتها ليه كل ده عشان حبيتها إنت مبتردش عليا ليه؟
عاوز انزل الاقيها صاحيه كل ده ليه؟
عشان حبيتها عشان قولتلها أنا حبيتك أكتر من اللى خلقنى؟ وفيها ايه لما احبها أكتر منك ؟؟؟ فيهااا اييه
إنت ليه مش عاوزنى أحبها أكتر منك ليه اخدتها؟
أنا عمرى ما كنت متوقع إنك بتكرهنى لدرجه دى ؟؟ أنا عارف إنك شايفنى وسامعنى و مش عاوز ترد
انا مش طايلك عشان اكلمك بس إنت سامعنى ساعتها الدنيا مطرت زعقت بصوت عالى وقولتله ابعد عنى كرهت كل حاجه , هو ده غضبك؟ رد
نزلت ليها على السلالام بقع و بتزحلق من عليها لحد ما وصلت للأوضه وقربت منها قولتلها أنا اسف لأول مره فى حياتى معرفتش اعملك حاجه..مش هسيبهم يدفنوكى هاخدك معايا وشيلتها
و لسه طالع بيها من الاوضه مسكونى وبيشدوها منى قولتلهم سيبوها دى بتعتى محدش يقرب اوعى شيل ايدك
خدوها من بين اديا غصب عنى قولتلهم حتى دى كمان مستكترنها عليا؟ سيبوها عاوز اخدها محدش يقرب منها
طيب رجعوها الاوضه ومش هاخدها وقعت على الارض وانا ماسك اديها وبقولها هما
واخدينك ورايحين بيكى على فين؟ كانت اخر مره فى حياتى اشوف ملامحها واخر مره المس فيها اديها...
وبعدها قفلت عنيا محستش بالدنيا ولما فتحت لقتنى نايم على سرير المستشفى وبعد ما فوقت رجعت بيتى بس مش قادر افتح عنيا من كتر التعب والعياط عنيا من كتر العياط عليها ورمت وفضلت فتره معرفش اشوف
بسببها لحد ما بقيت كويس و لما حبيت نزلت امى طلبت منى حد ينزل معايا .. خايفه عليا ..
ونزل معايا واحد صحبى وروحت المطعم بس كان مقفول بصيت من ازاز المطعم على الطربيزه بتاعتها بتخيلها أكنها قاعده قدامى على كرسيها زى زمان....
ممسكتش نفسى من العياط و انا ماشى بصيت للسما على أمل تكون شيفانى مرضتش اروح قبرها عشان حاسس إن اللى زيها مكانهم فى السما مش من البشر
روحت البيت امى قالتلى صلى عشان ربنا ينزل عليك رحمته .. قولتلها ربنا؟ ربنا نزل عليا عذابه فين الرحمه؟
فين الرحمه لما يحرمنى منها؟ لحد ما كنت ماشى لوحدى بالعربيه فالعربيه
عطلت فى مكان بعيد عن السكان نزلت اشوف مالها لقيت حد حط ايده على كتفى وقال عاوز مساعده؟
قولتله ربنا خليك إنت جيت هنا ازاى؟
قالى انا شغال فالمزرعه اللى هنا الحارس بتاعها وفضلنا نحاول فيها لكن مشتغلتش فاتصلت بواحد صحبى يجيلى
قالى فى السكه اهو قولت للحارس اللى واقف معايا خليك
معايا لحد مايجيى قالى حاضر بس مالك شكلك تعبان فضلت اتكلم معاه و حكيتله كل حاجه عنى
و هو سامع كلامى بس مبتسم متأثرش بـ ولا كلمه من اللى قولتها بس قالى خصلت كلامك؟
قولتله اه قالى هقولك ليه حصل معاك كل ده
إن "الله غيور على عباده" ربنا لما خلقك .. خلقك بقلب واحد بس ..
قلب ميسعش غير لواحد قلب يحبه
هو مينفعش يكون فيه اتنين ربنا غيور على حب عباده ليه و لازم اعلى
سمات الحب جواك تكون لربك ثم الاشخاص ربنا بيحب عباده
بس بيغير لو حبيت حد أكتر منه
ربنا خلقك بقلب واحد عشان الحب اللى جواهك
يكون ليه مش لحد تانى ف لو فى يوم فكرت تحب حد اكتر من اللى خلاقك هتكون نهاية قصتك الفراق..
ربنا مبيكرهش حد لكن غيور إنت لو جيت و شوفت حد بيحب
حبيبك ممكن تعمل المستحيل عشان حبيبك ربنا عز وجل عاوز حبك يكون ليه هو قلبك بتاعه هو
الحب الحقيقى عامل زى شجره العائله اول أسم الله ثم إنت و إللى بتحبه و طول ما إنت بتحب ربك طول ما ربك هيقرب منك كل شئ إنت بتحبه ربنا مبيكرهكش ربنا
ديما شايفك وعينه عليك ده هو اللى خلقك ونفخ فيك الروح ازاى هيكرهك , ده إنت لما بتحتاج حد مبتلاقيش غيره فاتحلك اديه
إنت حبيت بكل صدء من جواك إنسانه
لكن نسيت إن الانسانه دى مش بتاعتك مش ملك ليك دى ملك للى خلقها و وقت ما يعوزها هياخدها عنده
قولتله بس انا كل اللى عملته
إنى حبيتها بكل ما فيا من روح واتعلقت بيها و اتملى قلبى ببحبها ومبقتش قادر ابعد عنها لحظه من حياتى قالى ..
مقرتش عن قصه سيدنا يوسف و سيدنا يعقوب لما ربك
ابطئ فى وصال لقاء سيدنا يعقوب بأبنه سيدنا يوسف معرفتش ليه ربنا ابطئ فى الوصال بينهم ؟
لان سيدنا يعقوب احب يوسف وامتلئ قلبه
بيوسف فلما نزل عليه سيدنا جبريل قال له سيدنا يعقوب بأن سيدنا يوسف لا نظير له فقال سيدنا جبريل
"إن الله وحده لا مثيل له ولا نظير له و إن الله غيور و ليس لك إلا قلباً واحد ولا يتسع القلب لحبيبين"..
قلبك مش ملك لحد قلبك لربك
إنت لما حبيتها امتلئ قلبك بحبها و نسيت ربك و نسيت إن الجمال و الانسانه اللى شايفها جزء صغير من جمال ربك ونسيت حب ربنا جواك ربنا مقلش ليك متحبش لكن الحب درجات اعلى درجه
جواك تكون لربك ثم حبيبك ثم و ثم لكن إنك تخلى حبيبك هو اعلى درجه جواك وقتها هتندم جداً
حطيت وشى فى الارض و وقعت على الارض وفضلت اعيط على اللى عملته فى نفسى و نسيت إن الحب الاول و الاخير لربى ثم حب البشر بس أنا كنت قليل الذوق اوى معاه
بص ليا و قرب منى وحط ايده ع كتفى وفضلت يضحك سألته بتضحك ليه؟ قالى..
إنت مهما تضايق امك و تزعلها هتفضل
تحبك لأنها أمك , ما بالك باللى خلقك وخلق امك وحط جواها رحمه الام ده ربك رب الكون تفتكر هيكرهك ؟؟
بصيتله ملقتوش حواليا؟
انت روحت فين؟ بدور عليه مش لاقيه؟ فضلت واقف ابص حواليا مش لاقى حد ببص لقيت نور جاى عليا من بعيد
لقيته صحبى جالى عشان ياخدنى بصيت للسما و خجلان من نفسى خجلان إن حبيت حد اكتر منه حبيت واحده هو
اللى خلقها حاجه بتعته مش بتعتى ...رجعت البيت اتوضيت وصليت وانا ساجد حسيت بحاجه بتجرى جوايا زى ما يكون حد بيطبطب عليا وبيقولى متزعلش متعيطش أنا مسمامحك أنت عبدى
فضلت ابكى وانا ساجد أنا خجلان من نفسى بعد كل اللى عملته معاك و بعد كل اللى قولته
بتطمنى إنك جنبى بتحسسنى إنى كنت قاسى عليك بأفعالى؟
أنا أسف انى حبيت واحده أكتر من اللى خالقها أنا اسف , انا مش عارف اقولك ايه لو فضلت اعتذرلك طول عمرى مش كفايا على اللى عملته معاك رحمتك اوسع من اى شئ سامحنى كان لازم أنا اللى أقولك بحبك كان لازم يمتلئ قلبى بحبى ليك إنت مش لحد تانى غيرك ارحمنى أرجوك دلوقتى بس عرفت قد ايه إنت بتحبنى و دلوقتى بس عرفت إن قلبى متخلقش غير ليك و
نسيت إن" الله غيور على حب عباده له"
ليست هناك تعليقات:
إرسال تعليق